Purple Cow كتاب البقرة البنفسجية للكاتب سيث جودين أفضل كتب التسويق الرقمي

Purple Cow كتاب البقرة البنفسجية للكاتب سيث جودين

للشراء من أمازون من هذا الرابط من هنا

تخيل انك ماشي بالعربية من امام مزرعة مليئة بالبقر وكل هذا البقر متشابة المنظر ده مش هليفت أنتباهك في شئ ولكن تخيل ان تشاهد في وسط هذا البقر بقرة بنفسجية اللي هيحصل معاك انك ستندهش اية ده بقرة بنفسجية وهتفضل متعجب من المنظر ده وممكن تلف بالعربيه وتنزل عشان تشوفها من قرب هي لونها كده ازاي وغالبا كل ما هتشوف حد هتحكيله علي البقره .

عشان تنجح في اي مشروع أنت عاوز تعملة لازم تعرف الناس بتفكر أزاي لازم تعرف العالم أتغير ازاي الكاتب سيث جودن هو أحد خبراء مجال التسويق بيساعدنا أننا نفهم ليه أحنا بقينا نكره الأعلانات ليه الأعلانات لم تصبح مؤثرة زي زمان .

الكاتب بيقسم الأعلانات لثلاثة عصور وهم :

Before Advertising العصر الأول ما قبل الأعلانات

Advertising Era العصر الثاني عصر الأعلانات

After Advertising العصر الثالث ما بعد الأعلانات

في العصر الأول كان التسويق عبارة عن تسويق شفهي في العصر ده ما كنش في تليفزيون أو جرائد أو اي وسيلة انك تعمل أعلانات مدفوعة ( زي ما تقول لصحابك الراجل اللي في المكان اللي هناك ده بعمل سندوتشات جامدة ) الوسيلة الوحيدة أنك تقول لحد أن المنتج ده كويس ولو المنتج كويس هينتشر بين الناس مع الوقت .

العصر الثاني وهو عصر الأعلانات كان منتشر فيه الطرق التقليدية مثل التليفزيون والجرائد كنت أما تشوف الاعلان في التليفزيون أو الجرائد كنت تروح تشتريه وتجربة .

العصر الثالث فأصبحنا بنتجاهل الأعلانات اللي بنشوفها والسبب لده حاجة مهمة جدا أننا بقينا في عصر التقليد ومعظم الشركات بقت بتشوف الحاجة اللي نجحت مع الشركات الاخري ويقلدوها عشان ينجحوا نفس النجاح الشركات ديه أصبحت مثل البقر المتشابه أما نشوف البقر ده مش هنقدر نميز أي حاجة فيه والناس مش هتقدر تشوف أي منتج الا اذا كان منتج مميز أو استثنائي لازم يكون المنتج زي البقرة البنفسجية لازم يكون مميز لدرجة تخلي الناس تنتبه اليه عشان ينتشر بين الناس بشكل كبير .

أنت عاوز تسوق أي منتج ؟

لازم تعمل 3 حاجات أساسية عشان تنجح علي المدي الطويل

Taking Risks الخطوة الاولي أخذ المخاطر

أي انك تكون عندك فكرة أستثنائية فكرة مختلفة عن باقي الاشخاص انك متحاولش تقلد باقي الناس وده بيحصل في مرحلة تصميم المنتج في شركات كثيرة بتفكر أنها تصمم المنتج وبعدين تسوق المنتج ده . لكن الكاتب أن الشخص اللي بيشتغل علي تسويق المنتج لازم يشتغل مع الشخص المسئول علي تصميم المنتج لان ده بيساعد علي أن الفكرة نفسها تكون قابلة للتسويق الفكرة نفسها تكون مختلفة علي الفكرة الأخري وده بساعد علي الأنتشار بشكل كبير جدا .

لو نظرنا الي Apple هنلاقي أن الشركة أخذت المخاطرة وتحدت سوق الكاسيت والسي دي وهي أنها عملت حاجة جديده ومختلفة Itunes

اللي خلت من خلالها الناس تدخل عليه وتسمع الاغاني علي التليفون بدل من أنها تسمع علي السي دي والكاسيت .

ومثال أخر شركة أمازون وهي أول شركة عملت موضوع أنك تشتري كتاب أون لاين وهي أول شركة تعمل قارئ الكتروني وهو Kindle

أمازون كانت بقرة بنفسجية في سوق الكتب أمازون شركة دائما بتاخد المخاطر .

Market to the right people الخطوة الثانية

عشان تسوق المنتج بتاعك صح هو أنك تعمل تسويق للأشخاص المناسبين

اللي هنعمله هنا أنك تعمل تسويق للناس اللي فعلا محتاجة حل للمشكلة بتاعتها الللي فعلا محتاجة المنتج بتاعك .

Use A Simple Slogan الخطوة الثالثة

NIKE لو أخذنا مثال شركة

شعارهم سهل وبسيط الشعار بيقولك انك تبقي نشيط الشعر متناسب مع الشركة JUST DO IT شعارهم هو

شعار متناسق مع أن الشركة شركة منتجات رياضية

;كتاب مهم جدأ في عالم التسويق أنصحكم بقرأته